E accion boluntario di mas grandi den Reino
10 y 11 di maart 2017

Contribucion financiero

Con mi por aplica pa un contribucion financiero?

Solicita pa un contribucion financiero por solamente despues cu bo a registra un trabou. Den bo cuenta di ARUBA DOET bo ta haya bou di bo trabou un boton cu ta bisa: “Solicita pa un contribucion financiero”.

* Atencion! E boton aki ta funciona solamente si bo ta buscando minimo 5 boluntario nobo y si na datonan di bo organisacion bo a yena e number di cuenta di banco di bo organisacion.
* Tene na cuenta! Bo por aplica pa un contribucion financiero te cu dia 23 di januari 2017. Presupuesto ta limita, asina ta no warda te ultimo momento!

Condicionnan pa aplica pa un contribucion financiero:

  1. Bo organisacion ta un fundacion, asociacion of scol oficial cu un propio cuenta di banco;
  2. Bo trabou of actividad ta registra riba e website: www.arubadoet.com;
  3. E trabou of actividad ta cuadra cu e caracter di ARUBA DOET: riba 10 y/of 11 di maart 2017 bo organisacion ta buscando boluntario pa completa algo concreto pa bo organisacion;
  4. Bo ta buscando minimo 5 boluntario nobo pa bo trabou of actividad;
  5. Pa cada adres/locacion un contribucion financiero por wordo otorga.

Atencion: Nos kier otorga un contribucion financiero na mas organisacion posibel, pero nos presupuesto ta limita. Si bo trabou of actividad no ta cumpli cu e puntonan menciona ariba, bo no por haya un contribucion financiero. Naturalmente bo organisacion por participa cu ARUBA DOET pa ricibi ayudo boluntario y e materialnan promocional. Pesey mes, registra bo trabou liher. Asina boluntarionan por haya bo facilmente.

Kico nos ta cubri:

  • Materialnan (bruto) pa trabou manera verf, kwashi, palo, waya y staca pa cura, articulo di limpiesa, mata, materialnan chikito di metal (schroef, haak, scarnir) etc. 
  • Huur di herment of aparato grandi manera trapi, pressurewasher, mashin di corta yerba, chapi, shobel etc.
  • Cuminda y bebida pa boluntarionan: maximo AWG 250.

Exclusivamente pa organisacion/institucion pa persona cu limitacion fisico of mental:

  • Gastonan di excurcion cu e grupo meta di bo organisacion, manera huur di bus, pago pa entrada etc.
  • Pago pa artistanan manera payaso y cantante of pelukero y estecista pa malcria un grupo pa un of parti di dia: maximo AWG 600.
  • Den caso cu bo actividad ta un desayuno, lunch, high tea of algo similar pa bo clientenan, bo por haci uzo completo di e contribucion financiero pa cuminda y bebida.

Kico sigur nos no ta cubri:

  • Trabou of organisacion cu no ta cumpli cu e criteria general;
  • Compra di herment of materialnan di uzo manera boormashin, trapi etc.;
  • Gasto pa pone boluntarionan nobo y actual den spotlight;
  • Material pa dorna locacion di actividad of trabou (blaas, slingers) y gasto di imprenta of materialnan promocional;
  • Premio pa bingo of otro tipo di actividad of wega.

Procedura financiero:

Yena e formula pa aplica pa un contribucion financiero. Manera cu Oranje Fonds aproba (completo of parcialmente) bo peticion pa haya un contribucion financiero pa ARUBA DOET bo lo ricibi un notificacion por escrito. E contribucion lo bo ricibi via un transferencia bancario for di CEDE Aruba, no mas laat cu 17 di februari 2017. Asina bo por haci bo compranan na tempo. E team di ARUBA DOET lo organisa un anochi di encuentro pa busca e materialnan promocional.