FAQ – Organisacion
Preguntanan haci frecuentemente pa organisacion.
Con mi por log in?
Click riba log in pa drenta den bo account.
Bo no tin un account? Traha un profil prome.
Con mi registra un proyecto?
Click riba añadi proyecto den e submenu bou di nomber di bo organisacion/ nomber di profil.
Sigui e pasonan den e formulario.
Skirbi na descripcion di bo proyecto y locual bo ta bay haci mas detaya posibel.
Na informacion adicional tin espacio pa bo indica kico bo kier pa bo voluntarionan bin cune for di cas y of ki necesidad bo tin pa cu un trabou. Por ehempel: sunblock, pechi, carson largo etc. Bo por indica tambe cu bo mester di hende di specialisa manera un carpinte, un metsla ect.
Na momento cu bo ta bay inscribi bo proyecto ta bon pa bo tin e siguiente datonan na man:
- Nomber di bo proyecto
- Ki dia of dianan e proyecto lo tuma lugar
- Orario cu e proyecto ta start (atencion: e proyecto no por dura mas cu 6 ora)
- Con bo ta bay ehecuta e proyecto?
- Cuanto voluntario bo mester? Incluyendo esnan den bo organisacion
Con mi por sa cu mi proyecto a wordo registra?
Click riba ‘Mi Proyecto’ den e submenu cu ta bou di nomber di bo organisacion/ nomber di profil. Si e proyecto a wordo registra, lo mira esaki den bo resumen.
Check bo email pa e email di confirmacion (atencion: check bo spambox)
Con e resumen di mi proyecto ta mustra?
Riba e pagina di voluntario y di organisacion bo ta mira un resumen di e proyectonan.
Click riba ‘mustra proyecto’.
Filtra riba fecha y bo proyecto lo sali ariba. (Atencion: E manera aki por, solamente na e momento cu bo a caba di registra bo proyecto).
Unda mi por mira e progreso di mi proyecto?
Click riba ‘Mi Proyecto’ den e submenu cu ta bao di nomber di bo organisacion/nomber di profil.
Aki nan bo por mira e resumen di bo proyecto(nan) y cuanto voluntario a inscribi.
Click riba e proyecto desea pa haña mas informacion.
Con mi por copia mi proyecto pa un otro dia?
Ora bo click riba ‘Mi Proyecto’, bo ta mira na e proyecto registra: Copia.
Click riba esaki y copia e proyecto.
Mi a registra un proyecto caba pero mi kier haci e mes un proyecto aki riba un otro dia, con mi por haci esaki?
Click riba ‘Mi Proyecto’ den e submenu cu ta bou di nomber di bo organisacion/nomber di profil.
Bou di e potret di bo proyecto bo ta mira: “copia e proyecto pa otro dia”.
Yena e dia y e orarionan,
Click riba siguiente,
Controla tur bo datonan,
Click pa registra bo proyecto.
Con mi por yena/ registra mi contribucion financiero?
Click riba (añadi) 'Contribucion Financiero’ den e submenu cu ta bou di nomber di bo organisacion/nomber di profil. Sigui e stapnan den e formulario (atencion: pa haci esaki bo mester a registra un proyecto).
Ora bo ta bay yena bo aporte financiero ta bon pa tin e siguiente datonan na man:
- Ki tipo di material bo ta bay uza?
- Cuanto material y kico esakinan ta costa?
- Tip: Pidi diferente oferta pa bo por compara e prijs.
- Sa kico bo por cumpra y kico no, cu placa di e contribucion financiero: check e toolkit of kinan.
- Tene cuenta cu e condicionnan pa yena e contribucion financiero pa asina e por wordo acepta door di Oranje Fonds.
- Datonan di bo banco incluyendo: e nomber exacto di bo banco, adres cu banco tin registra di bo organisacion y e number di cuenta di bo organisacion. Tene na cuenta cu no ta deposita placa riba cuenta personal!
Mi a lubida mi palabra clave (password), kico awor?
Click riba log in pa log in.
Pa continua click riba: Lubida palabra clave?
Yena bo emailadres, click cu bo no ta un robot y click riba: email link pa log in automaticamente.
Bay den bo inbox di bo mail y click riba e link pa haya acceso na bo account.
Bo ta drenta automaticamente den bo account.
Click riba palabra clave den e submenu cu ta bou di nomber di bo organisacion/nomber di profil.
Bo no mester yena nada na bo palabra clave actual.
Traha un palabra clave nobo y yena esaki na palabra clave y confirma esaki.
Click riba warda datonan.
Tip: skirbi bo palabra clave un caminda cu bo por hay'e facil bek.
Con mi por cambia mi palabra clave?
Tin 2 manera pa cambia bo palabra clave.
Sigui e stapnan ariba menciona si bo a lubida bo palabra clave:
Click riba palabra clave den e submenu cu ta bou di nomber di bo organisacion/nomber di profil.
Yena e palabra clave cu bo tin actualmente.
Yena e palabra clave nobo na palabra clave y confirma esaki.
Click riba warda datonan.
