Home
10 & 11 DI MAART 2023
 

Con bo organisacion por participa?

Fundacion (menos fundacion religioso), scol, institucion di cuido, centro di bario, grupo di scouting y club di deporte atencion! Ata bo oportunidad pa haci un trabou grandi y riba dje recluta boluntario nobo. Participa cu ARUBA DOET riba diabierna 10 y diasabra 11 di maart 2023. Drecha e speelplein di scol of e speeltuin di centro di bario, bai keiro un dia cu nos grandinan of pasa un man di verf den e cantina di e club di deporte.

Participa cu ARUBA DOET 2023

Participa ta facil! Registra bo trabou riba e website aki. Boluntarionan interesa por inscribi pa duna bo organisacion un man via e website aki.

Registra ta facil! Bai na:

  1. Login (warda bo datonan di login bon)
  2. Crea un profil
  3. Añadi proyecto
  4. Yena peticion pa haya un sosten financiero

Kico bo tin pa yena?

  • datonan di e persona(nan) di contacto di bo organisacion y e trabou;
  • un descripcion cla y entusiasma di e trabou;
  • cantidad y tipo di boluntario cu bo ta busca.

Despues di esaki, bo trabou lo aparece riba e website. Boluntarionan interesa por inscribi via e website aki pa yuda cu bo trabou.

Contribucion financiero

Bo trabou por yega na remarca pa haya un contribucion financiero di maximo AWG. 1.100 for di Oranje Fonds. Lesa mas.

Mester di yudansa?

Bo tin mester di yudansa pa inventa un trabou, registra trabou riba e website of bo kier sa con pa recluta boluntario? E team di ARUBA DOET por yudabo. Of bo por haci uso di e INFOPACK & REGLANAN. Aki bo por haya tur tipo di sugerencia y conseho. E Tool di Trabou bo ta haya parti ariba di e pagina aki na bo man drechi.

Tene na cuenta!

Oranje Fonds y CEDE Aruba no por para responsabel pa ningun incidente of daño cu surgi durante ARUBA DOET. Tene cuenta cu e seguridad di bo boluntarionan  ora di plania bo trabou. No tuma ningun riesgo. Preferibel laga trabounan tecnico den man di profecionalnan y personanan cu  e “know-how”.  Por fabor, comunica esaki cu bo boluntarionan.

Bo kier sa mas?

Bo tin pensa di participa cu ARUBA DOET 2023? Bo kier consulta riba e posibilidadnan of ta en busca di inspiracion? Tuma contacto cu e team di ARUBA DOET via WhatsApp of telefon (+297) 5611644 of 582-7666 / E: info.arubadoet@gmail.com