15 & 16 DI MEI 2026

Condicion general pa por participa cu ARUBA DOET

CEDE Aruba ta organisa dia 15 y 16 di mei 2026 den colaboracion cu Oranje Fonds e accion boluntario ARUBA DOET, cu ta e version local di Koninkrijk DOET. Bo ta yenando un proyecto y cu esaki bo mester ta na altura di e condicionnan pa por participa na e Doet-dagen. Yenando “SI” bo ta bay di acuerdo cu lo siguiente:

Condicion en general pa por participa

Bo peticion mester cumpli cu tur e siguiente condicionnan:

  1. Bo organisacion ta un fundacion, asociacion, of un scol oficial cu un propio cuenta di banco;
  2. Bo organisacion ta inscribi na Camber di Comercio cu excepcion di scolnan;
  3. Bo organisacion no tin como meta den su statutonan of reglamentonan conviccion religioso;
  4. E trabou mester cuadra cu e caracter di ARUBA DOET: Riba 15 y/of 16 di mei 2026, bo organisacion ta buscando boluntario pa completa algo concreto pa bo organisacion;
  5. Ta rekeri cu minimal mita di e trabou ta den man di boluntarionan cu te ainda no ta involucra den bo organisacion;
  6. Ta duna solamente un contribucion financiero pa adres/luga.
  7. Bo organisacion ta responsabel pa e mes pidi y registra e contribucion financiero. Tur e condicionnan con pa haci esaki ta para riba e website of den e toolkit;
  8. Si bo organisacion no por cumpli cu e condicionnan ariba menciona, Bo organisacion por participa y haya boluntario pero bo organisacion no ta yega na remarca pa haya contribucion financiero di Oranje Fonds.

Aporte financiero

Atencion: e costonan mester ta den proporcion cu e cantidad di boluntario cu bo tin. Un grupo grandi lo por haya e maximo aporte financiero encomparacion cu un grupo mas chikito. Mester di e minimo di 10 boluntario pa por pidi e maximo di AWG 1100. E boluntarionan no mag di ta mas cu mita di bo mesun organisacion.

Oranje Fonds ta maneha un procedura pa e Doet-dagen. Pa cada adres/localidad bo organisacion por pidi e maximo di AWG 1100. Si bo organisacion tin mas di 1 localidad, mester yena e aporte financiero pa kada localidad. Bo organisacion ta responsabel pa locual ta wordo yena y tambe tur locual bo ta marca cu bo ta bay di acuerdo cu ne. 

Kico Oranje Fonds ta compensa

  • Articulonan di uzo y materialnan bruto manera verf y e material nan cu mester uza pa verf cune, palo, waya, material di limpiesa, mata, etc.
  • Huur di herment of aparato grandi manera trapi, mashin di limpia cu precion, mashin pa coba buraco, scop y chapi, etc;
  • Co’i come y bebe pa tene stoma di hende cu ta traha duru, maximo AWG 250.-

Solamente pa instituto/organisacion pa hende grandi, y persona cu limitacion fisico of mental:

  • Gasto di un excurcion (manera huur di convoy y prijs di entrada) pa e grupo di enfoce di bo organisacion;
  • Pago pa artista manera pintor of cantante, of pa hacimento di cabey of di cara den caso di un dia (of merdia) pa trata bo clientenan: Maximo AWG 600.-;
  • Den caso cu bo actividad ta sea un desayuno, un cuminda merdia of algob por estilo, bo por uza e suma completo pa cuminda y bebida;

Loke sigur no ta wordo compensa door di Oranje Fonds

  • Trabou of organisacion cu no ta cumpli cu e criterionan general;
  • Gastonan pa bisa e boluntarionan danki;
  • Material pa dorna e luga;
  • Gasto di imprenta of material di promocion;
  • Premio pa bingo of otro sorto di wega;
  • compra di herment of cos di uzo personal.

Deadline

Deadline pa inscribi e proyecto(nan) y aporte financiero ta 23 di mart 2026. Despues di e fecha aki e website ta bay cera y no por inscribi ningun peticion mas.

Atencion: Parti di condicion ta rekeri pa yena e formulario di evaluacion despues di a participa na e Doet-dagen pa por sigui participa na ARUBA DOET.

Importante pa tene na cuenta!

Oranje Fonds y CEDE Aruba no ta para responsabel pa cualkier incidente/accident of daño haci durante ARUBA DOET. Plania bo tarea teniendo seguridad di boluntarionan na cuenta y no tuma niun riesgo. Preferibel laga partinan tecnico di un tarea den man di profecional. Zorg tambe pa bo organisacion ta sigura.

Informacion addicional

Si ta desea di sa mas, por tira un bista bou di Downloads.