Mi Bos, Mi Derecho

Parlamento Hubenil Aruba ta un organisacion Hubenil na Aruba cu ta enfoca riba e habilidad nan di liderazgo pa hoben. Esaki nos ta haci door di brinda diferente tayer di entre otro public speaking, pensa critico y debate tambe pa menciona un paar.

Pa ArubaDoet 2026, nos Minister Hubenil di derecho di mucha ta organisando un proyecto social caminda lo brinda 20 hoben un dia yen di diverticion, pero tambe conocemento den un expriencia unico. E lo ta un dia completo cuminsando parti mainta cu un workshop tocante e derechonan di mucha y parti atardi lo haya un workshop di theatro. Pa finalisa e dia lo tin un presentacion pa publico di e obra theatral cu nan a prepara. Esaki ta pa nan por trece dilanti, e conocemento di e workshops cu nan a haya durante e dia.