SAT: Hunto Cu Sero Patrishi❤️: Part 2

Descripcion di e proyecto
Nos ta studiante di segundo aña na Universidad di Aruba y nos ta colaborando cu FCCA pa organiza un proyecto di
voluntariado den bario Sero Patrishi como parti di Aruba Doet. E proyecto ta enfoca riba mehora espacionan comunitario di hunga pafo, manera e veld di voetbal, veld di basketball, playground, sandbox y e caminda entre e dos veldnan. E projecto ta consisti di 2 dia. Dia 15 ta inclui: preparacion di muraya pa verf, hasi limpi y chapi. Dia 16 ta inclui: verf muraya y verf logo diseña door di un hoben den e bario. Cu e iniciativa aki nos kier reuni voluntario, hoben y residente pa mehora e area y fortalece sentimento di comunidad. Forma parti di un proyecto significativo!