Bo kier pone man na obra pa un of parti di dia na un fundacion, scol, institucion di cuido, centro di bario, grupo di scouting of club di deporte? Participa riba Diabierna 15 y Diasabra 16 di mei 2026 cu ARUBA DOET. Y forma parti di un di e accionnan boluntario mas grandi den Reino. Cera conoci cu trabou boluntario y yuda un organisacion completa un trabou of actividad. Bo por tin sigur cu bo lo pasa bon!
Riba Diabierna 15 y Diasabra 16 di mei 2026, CEDE ARUBA en cooperacion cu Oranje Fonds ta organisa ARUBA DOET, e accion boluntario mas grandi na Aruba.
ARUBA DOET a cuminsa na aña 2013 bou iniciativa di Oranje Fonds. Bou nombernan di NL DOET, ARUBA DOET, BON DOET, CURA DOET, STATIA DOET, SABA DOET y SMX DOET, e seis iniciativanan aki ta pone trabou boluntario den spotlight y stimula tur hende pa pone man na obra pa un of parti di dia. Asina Oranje Fonds hunto cu miles di organisacionnan social y partnernan manera CEDE ARUBA ta organisa e accion boluntario mas grandi den Reino.
